Read Raw Ltd

 

Promoting Creative Writing in Scotland

 

Robert Tannahill

 

 

                                                                               

 

 

 

 

 

 

 

 

 

                       

 

Poems and Songs

 

Events

 

Tannahill Home

 

 

 

Despairing Mary

 


Set to Music by Mr. R. A. Smith.

 

MARY, why thus waste thy youthtime in sorrow ?
See a aroun you the flowers sweetly blaw ;
Blythe sets the sun o'er the wild cliffs o Jura,
Blythe sings the mavis in ilka green shaw !"
“How can this heart ever mair think o pleasure,
Simmer may smile, but delight I hae nane ;
Caul in the grave lies my heart's only treasure,
Nature seems deid since my Jamie is gane.

 

“This kerchief he gave me, a true lover's token,
Dear, dear tae me was the gift for his sake !
I wear't near my heart, but this puir heart is broken,
Hope dee't wi Jamie, an left it tae break.
Sighin for him I lie doun in the e'enin,
Sighin for him I awake in the morn ;
Spent are my days a in secret repinin,
Peace tae this bosom can never return.

 

“Aft hae we wander'd in sweetest retirement,
Tellin our loves neath the mune's silent beam ;
Sweet war our meetin's o tender endearment,
But fled are these joys like a fleet passing dream.
Cruel Remembrance, ah ! why wilt thou wreck me ?
Broodin o'er joys that for ever are flown ;
Cruel Remembrance, in pity forsake me,
Flee tae some bosom whar grief is unknown !

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Home

 

About Read Raw

 

Read Raw Press

 

Featured Poet

 

Featured Author

 

The Rolling Poetry Page

 

The Rolling Prose Page

 

Events

 

Launches

 

Competitions

 

Market News

 

Links