Read Raw Ltd

 

Promoting Creative Writing in Scotland

 

Robert Tannahill

 

 

                                                                               

 

 

 

 

 

 

 

 

 

                       

 

Poems and Songs

 

Events

 

Tannahill Home

 

 

Gloomy Winter's Now Awa

 


Air,—“Lord Balgownie's Favourite."
1807.


Arranged by Mr. R. A. Smith.

 

 

Gloomy Winter's now awa,
Saft the westlan breezes blaw ;
Mang the birks o Stanely shaw
The mavis sings fu cheerie, O ;

 

Sweet the crawflower's early bell
Decks Gleniffer's dewy dell,
Blooming like thy bonnie sel,
My young, my artless dearie, O.

 

Come my lassie, let us stray
O'er Glenkilloch's sunny brae,
Blythely spend the gowden day,
Midst joys that never weary, O.

 

Tow'ring o'er the Newton wuds,
Lav'rocks fan the snaw white duds,
Siller saughs, wi downy buds,
Adorn the banks sae briery, O.

 

Roun the sylvan fairy nooks,
Feath'ry breckans fringe the rocks,
Neath the brae the burnie jouks,
And ilka thing is cheerie, O.

 

Trees may bud, and birds may sing,
Flowers may bloom, and verdure spring,
Joy to me they canna bring,
Unless wi thee, my dearie, O.

 

 

 

 

 

 

 

 

 

 

Home

 

About Read Raw

 

Read Raw Press

 

Featured Poet

 

Featured Author

 

The Rolling Poetry Page

 

The Rolling Prose Page

 

Events

 

Launches

 

Competitions

 

Market News

 

Links