Read Raw Ltd

 

Promoting Creative Writing in Scotland

 

Robert Tannahill

 

 

                                                                               

 

 

 

 

 

 

 

Jessie, The Flower O Dunblane

 

                       

 

Poems and Songs

 

Events

 

Tannahill Home

 

 

Set to Music by Mr. R. A. Smith.


The sun has gane doun o'er the lofty Benlomond,
And left the red clouds to preside o'er the scene,
While lanely I stray in the calm simmer gloaming,
To muse on sweet Jessie, the flower o Dunblane.

 

How sweet is the brier wi its saft faulding blossom,
And sweet is the birk, wi its mantle o green;
Yet sweeter, and fairer, and dear to this bosom,
Is lovely young Jessie, the flower o Dunblane.

 

She's modest as ony, and blythe as she's bonnie,
For guileless simplicity marks her its ain ;
And far be the villain, divested o feelin,
Wha'd blight in its bloom the sweet flower o Dunblane.

 

Sing on, thou sweet mavis, thy hymn to the e'enin,
Thou'rt dear to the echoes o Calderwood glen ;
Sae dear to this bosom, sae artless and winnin,
Is charming young Jessie, the flower o Dunblane.

 

How lost were my days till I met wi my Jessie,
The sports o the city seemed foolish and vain ;
I ne'er saw a nymph I would ca my dear lassie,
Till charmed wi sweet Jessie, the flower o Dunblane.

 

Tho mine were the station o loftiest grandeur,
Amidst its profusion I'd languish in pain,
And reckon as naething the heicht o its splendour,
If wantin sweet Jessie, the flower o Dunblane.

 

 

 

 

 

 

 

 

 

 

 

 

Home

 

About Read Raw

 

Read Raw Press

 

Featured Poet

 

Featured Author

 

The Rolling Poetry Page

 

The Rolling Prose Page

 

Events

 

Launches

 

Competitions

 

Market News

 

Links