Read Raw Ltd

 

Promoting Creative Writing in Scotland

 

Robert Tannahill

 

 

                                                                               

 

 

 

 

 

 

 

 

 

                       

 

Poems and Songs

 

Events

 

Tannahill Home

 

 

Loudon's Bonnie Woods And Braes

 
Airó" Earl Moira's Visit to Scotland."
17th October, 1807.

 

Loudon's bonnie woods and braes,
I maun lea' them a, lassie ;
Wha can thole whan Britain's faes,
Woud gie Britons law, lassie ?
Wha woud shun the fiel o danger ?
Wha frae Fame woud live a stranger ?
Now that Freedom bids avenge her,
Wha woud shun her ca, lassie ?
Loudon's bonnie woods and braes
Hae seen our happy bridal days,
And gentle hope shall soothe thy waes,
Whan I am far awa, lassie.

 

Hark ! the swellin bugle sings,
Yieldin joy to thee, laddie ;
But the dolefu bugle brings
Waefu thochts tae me, laddie.
Lanely I may climb the mountain,
Lanely stray beside the fountain,
Still the weary moments countin,
Far frae love and thee, laddie.
O'er the gory fiels o war,
Whan Vengeance drives her crimson car,
Thou'lt may be fa, frae me afar,
And nane to close thy e'e, laddie.

 

Oh, resume thy wonted smile!
Oh, suppress thy fears, lassie!
Glorious honour crouns the toil
That the soldier shares, lassie.
Heaven will shield thy faithfu lover,
Till the vengefu strife is over,
Then we'll meet, nae mair to sever
Till the day we dee, lassie :
Midst our bonnie woods and braes,
We'll spend our peacefu, happy days,
As blythe's yon lichtsome lamb that plays
On Loudon's flowery lea, lassie.

 

 

 

 

 

 

 

 

 

 

 

Home

 

About Read Raw

 

Read Raw Press

 

Featured Poet

 

Featured Author

 

The Rolling Poetry Page

 

The Rolling Prose Page

 

Events

 

Launches

 

Competitions

 

Market News

 

Links